د فراه ولایت اوسیدونکو ته د( Help) موسسې له لوري د فني او حرفوي زده کړو زمینه برابره شوه
افغانستان- د اقتصاد وزارت: د فراه ولایت (۱۴۶) اوسیدونکو د آلمان هیواد د ( Help) موسسې له لوري د شپږ میاشتنۍ فني او حرفوي زده کړو په بشپړاوي سره د فراغت سندونه ترلاسه کړل.
د دې فارغانو څخه ۵۱ تنه یې مېرمنې دي.
دغو زده کوونکو ته دفراه ولایت د اقتصاد ریاست په همکارۍ د خیاطی، د برېښنا تخنیک او نلدوانۍ په برخو زده کړه ورکړل شوې ده.
د فراه ولایت د اقتصاد رییس محمد سالم نوروزي په هغه غونډه کې، چې د همدې مناسبت لپاره د ولایت په ګلچین تالار کې جوړه شوې وه د (Help) موسسې څخه په مننې د یادې موسسې له لوري د داسې برنامو جوړول یې د کورني اقتصادې د ودې لپاره اغیزمن وبلل. او د برنامې له فارغانو یې وغوښتل، چې د دې برنامې له فني او حرفوي زده کړو څخه استفاده وکړي او کاري بوختیاوې دې رامنځته کړي. خپل مهاروتونه دې د نورو ښاریانو سره شریک کړي.
د (Help) موسسې بنسټ ایښودونکو هم د دې برنامې په دوام ټینګار وکړ.
په دې ناسته کې، چې د فراه ولایت لوړ رتبه چارواکو هم ګډون درلود، د فن او حرفې د زده کړې لپاره د برنامې د ګډون کوونکو څخه او د هغوی د زیار او ارادې لپاره د ستاینلکونو په ورکولو سره مننه وکړه.
