په بلخ کې د ځینو پروژو لویې ستونزې وڅېړل شوې
افغانستان- داقتصاد وزارت : د افغانستانو د روڼتیا لرلید د څار بورډ غونډه د بلخ ولایت د اقتصاد رییس جنتگل شرافت په مشرۍ، د افغانستان د روڼتیا لرلید موسسې ولایتي مسؤل عزیز مبارز، د څار بورډ د کمېټې غړیو، دریاستونو استازو، د پروژو تطبیق کوونکي شرکتونو مسؤلینو او د سیمې د ناظرینو په ګډون د اقتصاد ریاست په سالون کې جوړه شوه.
په یاد غونډه د پروژو پر لویو ستونزو، لکه:
په پروژو کې د بې کیفیته خېښتو کارول.
-په ټاکلې موده د پورونو نه ورکول.
- د پلي کوونکي شرکتونو له لوري اطلاعات نه وړاندې کول.
- د پروژې د کار په سیمه کې په پروژې پورې اړوند اسنادو نه شتون.
- د پلي کوونکي شرکت له لوري د کار په سیمه کې د منظم او مناسب پلان نه شتون.
-د ګارګرو له لوري د ایمني وسایلو څخه استفاده نه کول.
- د اړوندو ادارو لخوا د پروژو تخنیکي ستونزو ته پام نه کول او همدا ډول اطلاعاتو ته د لاسرسي قانون څخه د شرکتونو پوهاوی نه درلودل، پکې شاملې و، چې ارزونه یې وشوه. او د هغوی څخه وغوښتل شول، چې په یادو مواردو باندې پام وکړي.
د روڼتیا لیدلوري بنسټ ولایتي مسؤل د قرباني ښوونځي د ودانۍ له پروژې، د افغانستان بانک د ودانۍ له پروژې، د بابع قمبر سړک د اسفالت او قیر کولو پروژې او د قرغان سړک د جوړولو پروژې د موندنو په اړه معلومات وړاندې کړل. او په پروژو کې د موجوده نیمګړتیاو او ننګونو د لرې کولو لپاره د اړوندو اداراتو پاملرنه یې وغوښتله او هم د هغو پروژو د بیرته پیل کېدلو غوښتنه یې وکړه، چې د هغوی چارې په بېلابېلو لاملونه له امله بندې شوې دي .
