دایکنډي ولایت کې د پراختیایي کمیتې غونډه ترسره شوه
افغانستان- د اقتصاد وزارت: د دایکنډي ولایت د پراختیایي کمیتې غونډه PDC، د ولایت د اقتصادي او ټولنیزې مرستیالې فاطمه اکبري او د کمېټې نورو غړو په ګډون ترسره شوه.
په دې غونډه کې، د پراختیایي پروژو د پلي کولو پروسې په ګړندۍ کولو، د پراختیایي پروژو د بودجې په لګښت کې روڼتیا، په دایکنډي ولایت کې د هغو پروژو چې تر کار لاندې دي د چارو د پرمختګ او د دې کمېټې د تېرو غونډو د مصوباتو په اړه بحث وشو.
د دایکندي ولایت اقتصادي او ټولنیزې مرستیالې، د دې په یادولو سره چې په ولایت کې د پراختیایي پروژو د تطبیق په پروسو کې هیڅ کومه ستونزه شتون نه لري، د هغوی د تطبیق د پروسې په ګړندۍ کېدلو ټینګار وکړ.
په دې غونډه کې د غونډې د اجندا سره سم د پراختیایي پروژو د چارو د پرمختګ او د دې پروژو د بودجې د لګښت څرنګوالي او تعقیب په اړه د ګډون کوونکو له خوا لازمه پرېکړې ونیول شوې.
