د افغانستان د اقتصاد وزیرې د عامې روغتیا وزارت سرپرست سره په لیدنه کې د روغتیايي سکتور د همغږۍ کمیتې د جوړولو غوښتنه وکړه
۱۳۹۹/کب/۷
نن وروسته له غرمې، ﺩ ﺍﻗﺘﺼﺎﺩ ﻭﺯﯾﺮﯤ ډﺍکټر ﮐﺮﯾﻤﻪ ﺣﺎﻣﺪ ﻓﺎﺭیاﺑﻲ ﺩ ﻋﺎﻣﯥ ﺭﻭﻏﺘﯿﺎ ﻭﺯﺍﺭﺕ ﺳﺮﭘﺮﺳﺖ ﻭﺯﯾﺮ ډاکټر ﻭﺣﯿﺪ ﻣﺠﺮﻭﺡ سره وکتل.
په دې لیدنه کې دواړو لورو د فعالو غیر دولتي موسسو او نهادونو د همغږۍ او پیاوړتیا په اړه خبرې وکړې چې د روغتیا په برخه کې کار کوي او د روغتیايي سکتور د همغږۍ کمیتې په جوړونه یې تینګار وکړ، چې د دې کمیټې له لارې به د روغتیا په برخه کې د خدمتونو په وړاندې کولو کې چې کومې ستونزې او خنډونه رامنځته کېږي هغوی ته سمې او لازمې پاملرنه وشي.
همدارنګه په دې لیدنه کې، په تخار ولایت کې د روغتیايي خدمتونو د وړاندې کولو په برخه کې د شته ننګونې او ستونزې وارزول شوې چې په تخار ولایت او د هغې په نږدې ولایتونو کې د روغتیایي خدمتونو د پروسې د چټکتیا لپاره لازم هوکړه وشوه.
