د اقتصاد وزیرې د فاریاب ولایت د یو شمېر مشرانو سره وکتل
![image](/sites/default/files/2021-03/156736239_1579332978930979_4567901512534012034_n.jpg)
۱۳۹۹/کب/۱۲
د هیواد د اقتصاد وزیرې د فاریاب ولایت له یو شمېر مشرانو سره وکتل. په پیل کې عبدالجلیل آور، اسدالله بهار او انجینیر محمد عالم مرآت د فاریاب د خلکو په ستونزو خبرې وکړې. او ددې ولایت د ستونزو په هوارولو، متوازنې پراختیا کې یې د اقتصاد وزارت د پاملرنې غوښتنه وکړه او زیاته یې کړه، چې په پراختیایي برخو کې ورته کمه توجو شوې ده.
وروسته ډاکتر کریمه حامد فاریابي د افغانستان د متوازنې پراختیا لپاره د اقتصاد وزارت ژمنه یاده کړه، چې پراختیایي چارو ته پاملرنه، د بی وزلۍ کمښت، مارکیټ جوړونه او د خصوصي سکتور څخه ملاټر د افغانستان اسلامي جمهوریت کاري لومړیتوبونو دي. او د افغانستان د سولې او پراختیا ملي چوکاټ دوهم سند له لارې به ورته کار ترسره شي