د اقتصاد وزیرې په کندهار ولایت کې د ښځینه متشبثینو او ښځینه پانګوالو سره وکتل

کندهار: ۱۳۹۹/ کب/ ۱۴

تیره ورځ له غرمې وروسته ډاکټر کریمه حامد فاریابي په کندهار ولایت کې د یو شمېر ښځینه متشبثینو او ښځینه پانګوالو سره وکتل.

په لومړي سرکې یو شمېر متشبثینو ښځو کندهار ولایت ته د اقتصاد وزیرې په ورتګ خوښي څرګنده کړه او د هیواد په جنوبي حوزه کې د ښځینوو پانګوالو په وړاندې پرتې ننګونې او ستونزې د اقتصاد له وزیرې سره شریکې کړې او د دولت د جدي توجو غوښتنه یې وکړه.

وروسته د اقتصاد وزیرې ژمنه وکړه، چې دولت په ټوله کې د خصوصي سکتورونو څخه او په ځانګړي ډول د افغانستان د ښځینه و متشبثینو ته متهد دی او څرګنده یې کړه، چې د ښځینه و پانګوالو د ستونزو په حلولو کې به هیڅ ډول دریغ ونه سپموي او د دوی د ملاتړ لپاره به ټولې لارې چارې به برابرې کړي.

همدا راز د اقتصاد وزیرې دوی ته ډاډ ورکړ، چې د افغانستان د سولې او پراختیا ملي چوکاټ دوهم سند په پرتو کې، موږ دنده لرو، چې په ټولنه کې د میرمنو شتون او د هغوی لپار مارکیټ جوړولو زمینه برابره کړو، ترڅو د اقتصادي ودې او ټولنیزې هوساینې ته ورسیږي.