د خصوصي سکتور د کاري ډلې غونډه(TWG)
اقتصاد وزارت - افغانستان: د خصوصي سکتور کاري ډلې غونډه (TWG) د ننګرهار ولایت اقتصاد رئیس په مشرۍ او نورو اړوندو غړو په ګډون جوړه شوه. په یاده غونډه کې د کورنيو تولیداتو د نندارتون جوړیدو او د دغو تولیداتو د خرڅلاو لپاره زمینې برابرولو په اړه، په کالیزه (جنتری) کې کورنيو تولیداتو ته د یوې ځانګړی اونۍنومولو په اړه او همداراز د ښځینه تولیدووکو لپاره د یو ځانګري مارکېټ د جوړولو په اړه بحث ترسره شو.
د غونډې په پای کې د ګډون کوونکو وړاندیزونه او غوښتنې واوریدل شوې.
د یادولو وړ ده، چې د اقتصاد وزارت د افغانستان د سولې او پراختیا ملي چوکاټ دوهم سند د لومړیتوبو په رڼا کې ژمن دی څو د معیاري مارکېټونو په رامنځته کولو کار وکړي او په کورنيو او نړیوالو بازارونو کې له کورنیو تولیداتو څخه ملاټر د خپل کاري لومړیتوبونو په توګه ګڼي.
