د (GMRS_PMRS) څارنې او ارزونې مرکزي او ولایتي سیستم دولتي اداراتو ته اړینه ګزینه ده
د افغانستان د اقتصاد وزارت: د (GMRS_PMRS) څارنې او ارزونې مرکزي او ولایتي سیستم پر کابل ښار سربېره په (بلخ، هرات، کندهار، پروان، لغمان، کونړ، فراه، میدان وردګو، ننگرهار، فاریاب، غور او غزني) ولایتونو کې هم پراختیا وموندله.
دغه سیستم چې د روڼتیا, حساب ورکولو او د برنامو او پروژو د پر وخت تطبیق په موخه رامنځته شوی، په ۱۳۹۹/۶/۳ نېټه د افغانستان اسلامي جمهوریت د کابینې غونډې (۱۸) ګڼه مصوبې له مخې او د اقتصاد وزارت د مشرتابه د هدایت پر اساس په یاد ولایتونو کې بېرته پرانیستل شو.
د اقتصاد ولایتي رییسانو د دې سیستم د استفادې لپاره تخنیکي روزنه ترلاسه کړې او د منظم او په وخت راپور ورکونې لپاره د دغه سیستم آی ډي او د ننوتلو پټ نوم یې ترلاسه کړی دی.
د یادو ولایتونو له مشرتابه سره د پروژو د پرمختګ، د سیمه ییزو اړتیاوو د تشخیص او د هغوی د موثرې لومړیتوب ورکونې معلوماتو ته یې د افغانستان د خلکو د لاسرسي لپاره د دې سیستم کارول اغېزمن بللي.
