غیر دولتي موسساتو د همغږۍ غونډه جوړه شوه

د غیر دولتي موسساتو د همغږۍ غونډه د غزني ولایت د اقتصاد رییس په مشری جوړه شوه.

په دې ناسته کې د تېرې غونډې د پریکړو په تعقیب د اقتصاد ریاست په همغږۍ د ناور په ولسوالۍ کې د بېډ کلینیک په تجهیز د (COAR ) د موسسې کارکونکو په معاشونو کې د ځنډ لامل او له مرکز څخه د هغې په تعقیب د موسساتو د کاري پلانونو لیږدول او موسسو ته د هغوی د کاري پلانونو د لېږلو لپاره د وخت پر ټاکلو باندې خبرې وشوې.

په دې غونډه کې هغه موسسو ته (COAR,APRCO,HETO,JFAP,WASTA,SCA,APR,FAO,CARE) چې خپلې اړین او اړوند سندونه یې اقتصاد ریاست سره نه دي شریک کړي، هدایت ورکړل شو، چې د پروژو اړوند سندونه د تخنیکي غونډې د جوړولو او د هغوی اړوند سکتورونو ته د معرفي په موخه اقتصاد ریاست ته واستوي.

غونډه د اقتصاد ریاست لخوا د ځینو وړاندیزونو لکه: دولتي اداراتو او موسساتو ترمنځ د همغږۍ په زیاتوالي، د موسسو سندونه په وخت بشپړولو لپاره اقدام، د اقتصاد ریاست ته د موسسې په خپل وخت راپور ورکول، د پروژو د پلي کولو په وخت کې اقتصاد ریاست سره د موسساتو همغږي او اقتصاد وزارت ته د پروژو د بشپړولو په وخت کې راپور ورکول او د وړاندیزونو په شریکولو پای ته ورسیده.