ﻭﻟﺴﻤﺸﺮ ﻣﺤﻤﺪ ﺍﺷﺮﻑ ﻏﻨﻲ او د ولسمشر مرستیالانو او نورو لوړ پوړو چارواکو په ګډون د کمال خان د اوبو بند پرانیسته په یو لړ مراسمو کې وشوه او نوموړی بند یې ګټې اخیستنې ته وسپاره.
نن له غرمې وړاندې د هیواد ﻭﻟﺴﻤﺸﺮ ﻣﺤﻤﺪ ﺍﺷﺮﻑ ﻏﻨﻲ او د ولسمشر مرستیالانو او نورو لوړ پوړو چارواکو په ګډون د کمال خان د اوبو بند پرانیسته په یو لړ مراسمو کې وشوه او نوموړی بند یې ګټې اخیستنې ته وسپاره.
ﻭﻟﺴﻤﺸﺮ محمد اشرف ﻏﻨﻲ ﺩ ﮐﻤﺎﻝ ﺧﺎﻥ ﺑﻨﺪ د ﭘﺮﺍﻧﯿﺴﺘﻠﻮ په ﻣﺮﺍﺳﻤﻮ ﮐﯥ ﻭﻭﯾﻞ : مونږ باید د افغانستان اوبه په ښه توګه مدیریت کړو، د نیمروز ولایت راتلونکی نه یوازې په کمال خان بند پورې تړلی دي، بلکې زرنج به په یوه پیاوړي نړیوال بندر بدل شي او د زرنج ستر غنیمت، چابهار بندر دی.
ﮐﻤﺎﻝ ﺧﺎﻥ ﺑﻨﺪ د نیمروز ولایت د زرنج ښار په ۹۵ کیلومترۍ کې جوړ شوی دی. دا بند ﺩ ۱۶ ﻣﺘﺮو ﭘﻪ جګوﺍﻟﻲ ﺳﺮﻩ ﺩ ۵۲ ﻣﯿﻠﯿﻮنه ﻣﺘﺮ ﻣﮑﻌﺐ ﺍﻭﺑﻮ د ﺫﺧﯿﺮې ﮐﻮﻟﻮ ﻇﺮﻓﯿﺖ ﻟﺮﻱ. ﺩ ﺍﻓﻐﺎﻥ ﭼﺎﺭﻭﺍﮐﻮ ﭘﻪﻭﯾﻨﺎ ﺩﻏﻪ ﺑﻨﺪ ﺑﻪ ۱۷۴ ﺯﺭﻩ ﻫﮑﺘﺎﺭﻩ ځمکه ﺧړﻭبوﻱ ﺍﻭ ﻫﻢ به وکولای شي، چې ۹ میګاواته بریښنا ﺗﻮﻟﯿﺪ ﮐړﻱ.
دا په داسې حال ده، چې د نوموړي بند پرانیستل د ښاریانو د تود هرکلي سره مخ شو.
د یادونې وړ ده، چې دا بند پروسکال د مرغومې میاشتې څخه پیل شوی و.
ددې بند په پرانیستلو سره د یوې سترې اقتصادي پېښې په توګه د افغانستان په تاریخ کې د آبادی، سمسورتیا، د نمیروز ولایت د اقتصاد او کرنې وده، د موسمي سیلابونو مخنوی او په سلګونو خلکو ته د دندې فرصتونه برابرولو ترڅنګ د افغانستان په ټولو سیمو کې د اوبو د ښه مدیریت لپاره د دولت ټینګې ارادې روښانه کوي.
د یادونې وړ ده، چې د وري د میاشتې څلورمه نیټه د کمال خان د اوبو بند د پرانیستلو په ویاړ د افغانستان د کابېنې له لوري دا ورځ د اوبو د مدیریت د ملي ورځې په نامه ونومول شوه.
