د ښځو ځواکمنتیا، د ښځو پر وړاندې د تاوترېخوالي د مخنیوي لپاره ښه پیل دی
نن له غرمې وروسته ، د ښځو پر وړاندې د تاوترېخوالي د مخنیوي نړیوالې ورځې په مناسبت ، په اقتصاد وزارت کې د میرمنو د لاسي صنایعو نندارتون جوړ شو.
په دغه نندارتون کې د اقتصاد وزیرې آغلې کریمه حامد فاریابي د دې برنامې پیل په هیواد کې د ښځو د ځواکمنتیا یوه نښه او د ښځو پروړاندې د تاوتریخوالي د ختمولو لپاره ښه لاسته راوړنه وبلله.
نوموړي زیاته کړه چې: "څرنګه چې ښځې په کورنۍ اقتصاد کې مهم رول لوبوي ، نو د ملي اقتصاد د ودې او پرمختګ په ډګر کې دوی ته باید ونډه ورکړل شي تر څو چې ټول یوزای د ټولنې د ځان بسیاینې او هوساینې لپاره کار وکرو.
