د اقتصاد وزیرې د کندهار د والي سره وکتل
۱۳۹۹ / کب/۱۳
نن له غرمې مخکې د اقتصاد وزیرې ډاکټر کریمه حامد فاریابي د اقتصادي څانګو د بیا لیدنې په موخه کندهار ولایت ته سفر وکړ او د کندهار والي الحاج روح الله خانزاده سره د کندهار د ولایت په مقام کي ، چي د یاد ولایت د ټولنیزو چارو مرستیال حاجي اغالالي دستګیري او یو شمېر نورو مسئولینو هم حضور درلود ولیدل.
په پيل کي د کندهار والي الحاج روح الله خانزاده د اقتصاد وزیري او ورسره مل پلاوي ته ښه راغلاست ووایه او کندهار ته د پاملرني له امله یې د یاد وزارت له رهبري د منني ترڅنګ په بېلابېلو برخو کي ستونزې او وړاندیزونه ورسره شریک کړل.
د کندهار والي د نفوسو د واقعي شمېرې له مخي د کندهار د بودجې ترتیب، د دولتي ادارو او موسساتو ترمنځ لازمه همغږي، د پروژو اړوند معلوماتو ته لاسرسی، د درېدلو پروژو د چارو بیا پیلول، کندهار ته په بېلابېلو برخو کي د نویو پروژو راجلبول، متوازن انکشاف ته زمینه سازي او یو شمېر نورو مسایل د عمده ستونزو او اړتیاوو په توګه د اقتصادي وزیري سره شریکي کړل.
وروسته د اقتصاد وزیري ډاکټرې کریمې حامد فاریابي کندهار ته په خپل راتګ د خوښي څرګنده کړه او وویل: دې! ولایت ته د سفر موخه د زون د اقتصاد رئیسانو، ښځینه متشبثینو، خصوصي سکتورونو او بېلابېلو نورو اقشارو سره د اقتصادي فرصتونو د برابرولو په موخه لیدني ترسره کوم.
هغې زیاته کړه! کندهار یو ستراتیژیک ولایت او په عین حال کي اقتصاد زون بلل کېږي، چي د همدې ارزښت ته په پام اقتصاد وزارت ژمن دی، چي د متوازنې پراختیا او د نفوسو د واقعي شمېر له مخي په بېلابېلو برخو کي ورته پروژې راجلب کړي.
د اقتصادي وزیري څرګنده کړه: دوی پنځه کلن ستراتيژیک پلان جوړوي، چي کندهار ته به په کي ځانګړې پاملرنه وکړي او کارموندنه، متوازنه پراختیا او د لومړیتوبونو ځای پر ځای کول به پکښي مهم اولویتونه وي.
په لیدنه کي پر یو شمیر نورو مسایلو هم خبري وشوې او د دوه اړخیزو همکاریو ډاډ وړاندي شو.
