د اقتصاد وزیرې په پرمختیایي سرچینو او اقتصادي ودې په مؤثرې ګټې اخیستنې ټینګار وکړ
۱۳۹۹/ کب/ ۲۷
د اقتصاد وزیرې ډاکټر کریمه حامد فاریابي د کابل ولایت د خلکو سره د حکومت په مشورتي ناستو کې، چې د مالیې وزارت له لوري په لاره اچول شوې، چې په ملي بودیجه کې د دوی اړتیاوې او لومړیتوبونه شامل کړي. او په ضمن کې په پراختیایي سرچینو او اقتصادي پرمختیا کې د اغیز په کارونې یې ټینګار وکړ او ویې ویل، چې د اقتصاد وزارت په اقتصادي سرچینو، لکه د شاتوت بند، د کابل ښار کانالیزاسیون، او داسې نورو باندې خپل اقتصادي تحلیل پیل کړی دی.
د یادولو وړ ده، چې د اقتصاد وزارت له لوري د 42 سلنه پروژو بررسي شوې ده، چې په بودیجه کې شاملې دي. د اقتصاد وزارت هڅه کوي، چې په راتلونکي مالي کال کې دا رقم 50 په سلو کې لوړ کړي.
ډاکټر فاريابي د پروژو څخه د ښو پایلو لپاره د دولتي ادارو او عامه همکاریو ترمنځ په همغږۍ ټینګار وکړ او ژمنه یې وکړه، چې حکومت به د افغانستان د سولې او پراختیا ملي چوکاټ دویم سند پر اساس متوازن او دوامداره پراختیا ته توجو وکړي.
په دې ناسته کې د کابل والي محمد یعقوب حیدري د پراختیايي پروژو لپاره په وړاندیزونو او د ننګونو په یادولو سربیره د کابل ولایت د عوایدو په راټولولو هم ټینګار وکړ.
همداراز د مالیې وزارت د ملي بودیجې عمومي رییس سید ناصر احمد په هیواد کې د دندو د رامنځته کولو ، د بیوزلۍ کمولو او پراختیا لپاره د بودیجې په پروسه کې د خلکو ګډون مهم او د ارزښت وړ وباله. له بل لوري د کابل د ولایتي شورا رییس رحیم الله مجاهد په دې ولایت کې د پروژو څخه د نږدې څارنې غوښتنه وکړه.
