د اطلاعاتو راټولو او د ساحوي څارنې په وخت کې د ټکنالوژیکي وسایلو په استعمال ټینګار؛
افغانستان ـ اقتصاد وزارت: د اقتصاد وزارت د رهبرۍ درویشتمه غونډه د ارزونې، څارنې او عامه اړیکو(MEC) برنامه دافغانستان سره د المان همکارۍ اداره(GIZ) تر سیوري لاندې جوړه شوه.
دواړو لوریو په بنسټیزو او د ظرفیت جوړونې، څارنې او ارزونې په پیاوړتیا او همدا راز د اقتصاد وزارت او GIZ پر بنسټیزو موخو بحث وکړ.
په دې ناسته کې ۸۰ عدده ټابلیټونه ( SAMSUNG GALAXY) او نور اړوند ټیکنالوژۍ او د دفتر تجهیزات اقتصاد وزارت ته د آلمان د همکاریو د دفتر (GIZ) له لوري وسپارل شول.
د اقتصاد وزارت د پالیسۍ او مسلکي معین محمد نبي سروش په دې برخه کې یادونه وکړه :
د ساحوي څارنې او اطلاعاتو راټولولو لپاره د تخنیکي وسایلو درلودل د دولتي ادارو لپاره په ځانګړي توګه د اقتصاد وزارت لپاره اړین ځکه دي، چې د ساحې څارنه ترسره کوي او د ملي پرمختیایي برنامو د پرمختګ راپورونه ورکوي. هغه زیاته کړه، چې د څارنې ، ارزونې او عامه اړیکو برنامه (MEC) همکاري د اقتصاد وزارت په سټراټیژیک پلان کې انعکاس مومي، چې د وزارت د اهدافو او ژمنتیاو په ترلاسه کولو کې کلیدي او مهم رول لوبوي.
موږ ژمن یو، چې د افغانستان د اقتصاد وزارت سره د موسسو د څارنې او ارزونې ظرفیت ته وده ورکولو کې ملاتړ ته دوام ورکړو. د څارنې ، ارزونې او عامه اړیکو برنامې (MEC) رییس دیټرګویفرټ وویل: "موږ ژمن یو چې د افغانستان د اقتصاد وزارت سره د هغې د ادارې نظارت او ارزونې ظرفیت لوړولو کې خپلو مرستو ته دوام ورکو.
