د اقتصاد وزارت د کارکونکو د سوانحو دفتر برېښنایي کېږي
د اقتصاد وزارت د کارکونکو د سوانحو اړونده برخه د معلوماتو د موندنې لپاره د آسانتیاوو او د سندونو او اطلاعاتو د ساتنې لپاره برېښنایي کېږي. د اقتصاد وزارت د مالي او اداري معینیت سرپرست محمد طاهر روزي د وزارت د کارکونکو د سوانحو له ډیجیټل کولو له پروسې لیدنه وکړه.
د اقتصاد وزارت د مالي او اداري معینیت سرپرست د روڼتیا د تامین، د وخت د ضایع کېدو د مخنیوي او د اداري فساد سره د مبارزې لپاره د بشري سرچینو د سندونو ډیجیټل کول اغیزمن وګڼل.
ښاغلي روزي په دې لیدنه کې د دې پروسې د آسانتیاو لپاره اړوندو برخو ته لازم هدایت ورکړ.
اقتصاد وزارت ژمن دي، چې د وزارت د بشري قواو سندونو ته د لاسرسي او د روڼتیا د تامین او د فساد څخه د مخنیوي لپاره د ټولو مرکزي او ولایتي کارکونکو سوانح برېښنایي کړي. د سوانحو د برېښنایي کولو سره به د سندونو د ساتنې په لاره کې شته ننګونې او کاري ستونزې حلې شي.
