په دایکنډي ولایت کې د موسساتو او اړوندو سکتورونو سره د همغږۍ غونډه ترسره شوه
![image](/sites/default/files/2021-06/188268935_1642487955948814_6805965338144596154_n.jpg)
افغانستان-د اقتصاد وزارت: په دایکنډي ولایت کې د فعالو موسسو او اړوندو سکتورونو د همغږۍ میاشتنۍ غونډه، د ولایت والۍ شهېدې اکبري په مشرۍ او د ولایت د ټولنیزو او اقتصادي چارو مرستیال فاطمې اکبري، د اقتصاد رییس عوض علی پویا او د اړونده سکتورونو د استازو او مسوولینو په ګډون د ولایت د کنفرانسونو په تالار کې جوړه شوه.
په دې غونډه کې د موسسو د کړنو پر څرنګوالي، د همغږۍ لپاره د تګلارو په پیاوړتیا، د موسسو د کړنو څخه څارنه او په ولایت کې د موسسو د فعالیتونو په لاره کې د شته ستونزو په اړه بحث وشو.
د غونډې ګډون کوونکو، اقتصاد ریاست ته د موسسو د پر وخت حساب ورکونې پر اړتیا، د موسسو د کارکوونکو د ګمارنې پروسې پر روڼتیا او د هغوی د جواز اخیستنې او موسسو لخوا د مالیې پر ورکونې ټینګار وکړ.
په همدې حال کې د ولایت والۍ، په دایکنډي ولایت کې د موسساتو د ګټورو کړنو څخه په ستاینې سره، د موسسو له کړنو د موثرې او رڼې څارنې او د هغوی پر لاره کې د شته ننګونې د لرې کولو لپاره د سیمه ییز حکومت له ټینګې ژمنې ډاډ ورکړ.