د اقتصاد وزارت کارکوونکو ته د کرونا ضد واکسین د پلي کولو پروسه پیل شوه.
اقتصاد وزارت _افغانستان: د اقتصاد وزارت په غوښتنه د دې وزارت د کارکوونکو لپاره د کرونا ضد واکسین د پلي کولو پروسه د عامې روغتیا وزارت د کتلوي معافیت پروګرام په همکارۍ پیل شوه.
د اقتصاد وزیرې ډاکټر کریمه حامد فاریابي د یاد وزارت کارکوونکو ته د روغتیا او سلامتیا هیله څرګنده کړه او هغوی یې د کرونا ضد واکسین اخیستو لپاره وهڅول او زیاته یې کړه، چې د روغتیا اړوند وړاندیزونه، لکه ماسک، ټولنیز واټن تعقیبول مهم دي او د وایروس په خپراوي کې مخنوی کوي.
ډاکټر فاریابي د عامې روغتیا وزارت له فعالیتونو او د روغتیا د ټولو کارکوونکو څخه مننه وکړه او ویې ویل، چې د روغتیا د برخې کارکوونکي روغتیایي سرتیرې دي، چې د دفاع په لومړۍ لیکه کې دي، نو د دوي د ملاتړ لپاره د ځان روغتیا او محافظت ته ډېره توجو کول اړین دي.
