د اقتصاد وزارت وزیرې د دې وزارت چارواکو په لیدنه کې د وړتیا او د وزارت تخصصي پرمختګ باندې ټینګار وکړ.
کابل، پینځه نۍ د لیندۍ ۱۳ نیټه:
د اقتصاد وزارت وزیرې ډاکټرې کریمه حامد فاریابي، پارلمان څخه د باور رای ترلاسته کولو یوه ورځ وروسته، په غونډه کې چې د وزارت د کنفرانسونو په تالار کې جوړه شوې وه د وړتیا پر اصل او د وزارت پر تخنیکي او تخصصي پرمختګ باندې ټینګار وکړ.
د اقتصاد وزیرې د حکومت مشرتابه او ملي شوراو د باور څخه په مننې سره، پر دوامداره او متوازن پرمختګ ولاړ، د خپلو لویو اقتصادي برنامو او پلانونو باندې ژمنه وکړه او د سولې، سوکالۍ او ځان بسیاینې موخو ته د ټولنیزې او اقتصادي پالیسیو په جوړولو د اقتصاد وزارت ونډه مهمه وبلله.
وروسته د اساسی قانون د تطبیق او څارنې د خپلواک کمیسیون غړې او مشر ډاکټر عبدالله شفایي، د مسلکي معینیت سرپرست محمد نبي سروش او د وزارت مالي او اداري معینیت مرستیال حامد همدرد ، د نورو په استازیتوب سره ، په اقتصاد وزارت کې لومړۍ میرمن وزیرې ته مبارکي ورکړه. او د افغانستان ودې، اقتصادي پرمختګ او نوي بدلون لپاره دغه لاسته راوړنه اړینه وګنله.
پای کې د کندهار ولایت د اقتصاد رییس د نورو ولایتي رئیسانو په استازیتوب آنلاین توګه خبرې وکړې او د پرمختیايي پروژو په ښه څارنه او پلي کولو کې د ولایتي اقتصادي ریاستونو پر رول ټینګار وکړ.
د اقتصاد ډیری ولایتي مشرانو په دغه کنفرانس کې په آنلاین توګه برخه اخیستې وه.قتصاد وزیری اوشبو وزیرلیک، خادملری بیلن اوچرهشووده، وزیرلیکده شایستهسالارلیک و تخصصی رواجلنیشلر عملگه آشیریلیشینی اورغولهدی.
