نن له غرمې وړاندې د اقتصاد وزارت د رهبرۍ غونډه د اقتصاد وزیرې ډاکټر کریمه حامد فاریابي په مشرۍ تر سره شوه
ددې غونډه په پیل کې د اقتصاد وزیرې د تېرې ونۍ د لوړ رتبه هیئت سفر د آسیا زړه په کنفرانس کې، چې د تاجکستان هیواد د دوشنبې په ښار کې جوړ شوی و د افغانستان د لاسته راوړنو او د هېواد د اقتصادي ارزښت په اړه معلومات ورکړل.
نوموړې یادونه وکړه، چې سږ کال( ۱۴۰۰) لمریز کال، د ثبات او خوځښت کال دې، نو د تېر کال د نابشپړو چارو په بشپړولو یې د جدي تعقیب امر وکړ.
همدارنه ډاکټر فاریابي د اقتصاد وزارت د ستراتیژیک پلان د بشپړیدو خبر هم ورکړ او وویل: چې ددې پلان د پلي کېدو پروسه به په راتلونکي نږدې ورځو کې پیل شي.
وروسته نورو مسؤلینو هم د ستراتیژیک پلان په اړه او د نوموړي پلان د پلي کېدو او عملي کېدلو لپاره په منظمې او مهمې تګلارې باندې ټینګار وکړ.
همدارنګه په یاده غونډه کې د اقتصاد وزارت پر ۱۶ کاري لوړیتوبونو باندې بحث ترسره شوه چې د اقتصاد وزارت د ستراتیژیک پلان پر بنسټ چمتو شوي دي.
همدارنګه په یاده غونډه کې د غونډې د اجندا سره سم د وزارت د مرستیالانو، رییسانو او د بېلابیلو څانګو د مسؤلینو له لوري په پرمختګونو، ننګونو، ستونزو او کاري وړاندیزونه وړاندې شول.
د اقتصاد وزیرې د کاري راپورونو د اوریدو وروسته د کاري ننګونو د له منځه تللو په موخه په کاري برخو کې په زیات خوځښت او د مختلفو څانګو ترمنځ د همغږۍ په زیاتولو باندې ټینګار وکړ.
