د ټرانسپورټ عالي کمیسیون پنځمه غونډه د اقتصاد وزارت د سرپرست الحاج قاري دین محمد "حنیف" په مشرۍ جوره شوه.
د ټرانسپورټ عالي کمیسیون پنځمه غونډه د اقتصاد وزارت د سرپرست الحاج قاري دین محمد "حنیف" په مشرۍ د دفاع، کورنیو چارو، ټرانسپورټ، مالیې، صنعت او سوداګرۍ وزارتونو، د استخباراتو عمومي ریاست، د کابل د ترافیکو عمومي ریاست او د کابل ښاروالۍ د محترمو استازو په ګډون جوړه شوه.
نن چهارشنبه، ۱۴/۲/۱۴۴۵ هجری قمری کال چې د ۸/۶/۱۴۰۲ هجری لمریز کال سره سمون خوری، د ترانسپورت د عالي کمیسیون پنځمه غونډه د اقتصاد وزارت د سرپرست الحاج قاري دین محمد "حنیف" په مشرۍ تر سره شوه. دا غونډه د دفاع، کورنیو چارو، ترانسپورت، مالیې، صنعت او سوداګرۍ وزارتونو، د استخباراتو د عمومي ریاست، د کابل د ترافیکو د عمومي ریاست او د کابل ښاروالۍ د محترمو استازو په ګډون جوړه شوه.
په دې غونډه کې د اقتصاد وزارت له لوري د سړکونو د ترانسپورت د کنټرول او مقرراتو د پریزنتیشن له مخې د اړوندو څانګو د کړنو راپور د غونډې له ګډونوالو سره شریک شو. د مخکني تفاهم لیک له مخې د سړکونو د ترانسپورت د تنظیم عالي کمیسیون په ګډون د هرې ادارې ورسپارل شوې دندې، فعالیتونه، ستونزې او وړاندیزونه تر بحث لاندې ونیول شول.
د اقتصاد وزارت سرپرست په بېلابېلو برخو کې د کاري چارو د ښه والي او د سړکونو د ترانسپورت د تنظیم په برخه کې د کمېسیون د غړو د کار د هرکلي په ترڅ کې د اړوندو ادارو مسوولینو او استازو ته لازمې لارښوونې او مشورې وکړې.
