جمهوررئیس: د سولې پروسه کې د ښځو ګډون یقیني شوی

habibi_admin
سه‌شنبه ۱۴۰۰/۲/۱۴ - ۸:۴۸
image

جمهوررئیس محمد اشرف غني نن غرمه د افغان ښځو شبکې غړو سره د بهرنیو ځواکونو تر وتلو وروسته د نوي فصل، سولې او په دې پروسه کې د ښځو غوښتنو او حقونو ته د رسیدګي په اړه خبرې وکړې.

په پیل کې د هیواد لومړۍ مېرمن په سولې پروسه کې د ښځو د غوښتنو د انسجام په اړه معلومات ورکړل وې ویل، نن افغان ښځې خپل غږ لري او هېڅوک یې په حقونو معامله نشي کولی.

د افغان ښځو شبکې غړو د سولې پروسې تصمیمونو کې د ښځو پر ګډون، د جمهوریت پر ساتنې، د معلوماتي خلا پر لمنځه وړلو او د لویو ملي پروژو د کارونو پر دوام ټینګار وکړ.

جمهوررئیس غني د هغوی د غوښتنو او وړاندیزونو تر اورېدو وروسته وویل، د افغانستان اساسي قانون ماته اجازه نه راکوي چې د ښځو پر حقونو معامله وکړم او په سولې پروسه کې د ښځو ګډون یقیني شوی. د سولې پروسه له ابهاماتو وتلې او هر تصمیم د افغانانو د ارادې پر اساس نیول کېږي.

د هیواد جمهوررئیس څرګنده کړه، د بهرنیو ځواکونو وتل د افغانستان ملي حاکمیت پیاوړی کوي، د سیمې روایت بدلېږي، له بین المللي همکارانو سره د مناسباتو نوی فصل پیلېږي او تر بل هر وخت د سولې ښه فرصت رامنځته شوی دی.

جمهوررئیس په راتلونکو څو اونیو کې له پاکستان سره د جدي مذاکراتو پیلېدو ته په اشارې وویل، پاکستان نور په افغانستان کې د بین المللي ځواکونو د پاتې کېدو پر سر له امریکا د باج اخیستو فرصت نه لري، له افغانستان سره به دوستي یا دښمني انتخابوي.

جمهوررئیس غني وویل، د سولې په اړه اصلي تصمیم د افغانستان په داخل کې نیول کېږي او نهایي تصمیم افغان ولس نیسي . تر دې وروسته د سولې اصلي لوری د افغانستان حکومت دی او د سولې په هېڅ غونډه کې د مېلمه نه، بلکې د اصلي مالک په توګه ګډون کوو.

 

تازه خبرونه

سه‌شنبه ۱۴۰۰/۲/۲۸ - ۱۵:۹
Background image

د ملکي خدمتونو ۵۲ زره تنه کارکوونکي د ظرفیت لوړولو زده کړې ترلاسه کوي

د اداري اصلاحاتو او ملکي خدمتونو خپلواک کمېسیون او اقتصاد وزارت ګډه اعلامیه

د ۴۴ وزارتونو او دولتي ادارو د پروګرام له مخې، په ۱۴۰۰ مالي کال کې، د دغو بنسټونو کارکوونکو لپاره یو زر او ۷. . .

سه‌شنبه ۱۴۰۰/۲/۲۸ - ۱۳:۴۲
Background image

د فاریاب ولایت په پشتونکوت ولسوالی، د قزل قول پولې پروژه شاوخوا ۲۰ سلنه پرمختګ کړی

افغانستان- د اقتصاد وزارت: د فاریاب ولایت په پشتونکوت ولسوالی کې د قزل قول پولې د ودانۍ چارې پروژې شاوخوا ۲۰ سلنه پرمختګ درلودلی دی.

دغه ۶۰ متری پوله چې د ۱۳۹۹ لمریز کال د وږی په ۱۵ نې. . .

دوشنبه ۱۴۰۰/۲/۲۷ - ۸:۳۴
Background image

د اقتصاد وزیرې نن د CSTD په ناسته کې په آنلاین توګه ګډون وکړ

افغانستان - د اقتصاد وزارت: د اقتصاد وزیرې ډاکتر کریمه حامد فاریابي، د ساینس، ټکنالوژۍ او ودې کمیسیون د نړیوال سازمان په ۲۴ ناسته کې په آنلاین توګه ګډون وکړ.

د اقتصاد وزیرې د یادو. . .

BACK TO NEWS