د افغانستان اسلامي جمهوریت د اقتصاد وزیر ډاکټر مصطفی مستور د افغانستان لپاره د ملګرو ملتونو د سرمنشي له ځانګړي استازي آغلې ډیبوره لیونز سره په آنلاین توګه وکتل.

د افغانستان اسلامي جمهوریت د اقتصاد وزیر ډاکټر مصطفی مستور د افغانستان لپاره د ملګرو ملتونو د سرمنشي له ځانګړي استازي آغلې ډیبوره لیونز سره په آنلاین توګه وکتل.

سر کې د اقتصاد وزیر ډاکټر مصطفی مستور د غیر دولتي موسسو قانون کې د تعدیل په اړه خبرې وکړې؛ او له غیر دولتي سازمانونو یې وغوښتل تر څو چې خپل ځانګړي نظرونه او وړاندیزونه په هغو ناستو کې چې د همدې طرحې لپاره جوړیږي، وړاندې کړي

همدارنګه ټینګار یې وکړ چې د اقتصاد وزارت د غیر دولتي موسسو د فعالیتونو محدودولو هڅه نه کوي ، مګر زموږ اصلي موخه د لرې پرتو او لږ پرمختللو سیمو ته متوازن او متمرکز خدمات چمتو کول دي ، چې موږ یې باید په دې برخه کې په ګډه همکارۍ وکړو.

د اقتصاد وزیر بیا د هغو جدي ستونزو په اړه چې د دوامداره پرمختیایي اهدافو په برخه کې د ملګرو ملتونو د پراختیايي برنامې(UNDP) او اقتصاد وزارت ترمنځ د همکارۍ په پروسه کې راپورته شوې دي، خبرې وکړې.او د دې وضعیت دوام د زغمولو وړ ونه باله او د دې همکارۍ په لاره کې د جدي بدلونونو غوښتنه وکړه.

ورپسې ، آغلې ډيبورا لیونز د غیر دولتي موسسو قانون ته د تعدیل مسودې په اړه خبرې وکړې او د اقتصاد وزارت څخه یې د دې فرصت د برابرولو لپاره چې غیر دولتي موسسو او نړیوالو همکارانو ته خپل نظریات او وړاندیزونه وړاندې کوي مننه وکړه.

او د دې پروسې دوام د دولتي بنسټونو او څانګو تر منځ د ګډې همکارۍ ، همغږۍ او هملورۍ د پیاوړتیا لپاره اغیزمنه وګنله.

د افغانستان لپاره د ملګرو ملتونو د سرمنشي، ځانګړي استازي آغلې ډیبوره لیونز هم ژمنه وکړه چې د دوامدارې پراختیایي اهدافو په برخه کې به د سازمان پراختیایي اداره د اقتصاد له وزارت سره د همکارۍ په څرنګوالي کې بنسټیز بدلونونه راشي.

په پای کې ، د سولې او نوې کابینې په اړه هم بحثونه تر سره شول.