د اقتصاد وزارت، سرحدونو او قبایلو چارو وزارت د بین الوزارتي متقابلو همکاریو په تړاو بحث او خبرې وکړې.
اقتصاد وزارت _ افغانستان: د اقتصاد وزیرې ډاکټر کریمه حامد فاریابي د سرحدونو او قبایلو چارو له وزیر محب الله صمیم سره وکتل.
دغه لیدنه، چې په اقتصاد وزارت کې ترسره شوه. د دواړو لوریو ترمنځ په بین الوزارتي متقابلو همکاریو او د سرحدونو او قبایلو وزارت پورې اړوندو پراختیایي پروژې، چې د هند هیواد د مرستو( د لوړو ټولنیز اغیز پراختیایي پروژو پروګرام HICDP) له لورې پلې کیږي د تطبیق د پروسې په ګړندي کولو باندې یې بحث وشو.
د یادونې وړ ده، چې د هند هېواد د ۱۲۰ میلیونو ډالرو په ارزښت د افغانستان په ۳۴ ولایتونو کې د کوچنيو پراختیایي پروژې SDP د تطبیق زمینې او د لوړ ټولنیز اغیز د پراختیایي پروژو پروګرام/ HICDP یې پلې کولو ته زمینه برابره کړې ده.
