د اقتصاد وزارت د رهبرۍ او د تغذیې او اقتصاد منزل انسټیټوټ ترمنځ تخنیکي ناسته وشوه

د اقتصاد وزارت د رهبرۍ او د تغذیې اقتصاد منزل انسټیټیوټ تخنیکي غونډه د اقتصاد وزیرې ډاکټر کریمه حامد فاریابي په مشرۍ او د یاد وزارت د معینانو، یو شمېر مسولینو او د تغذیې او اقتصاد منزل انسټیټیوټ استازو او استادانو په ګډون په اقتصاد وزارت کې جوړه شوه.

په دې ناسته کې د تغذیې او اقتصاد منزل انسټیټیوټ رییس ډاکټر محب الله وحدتي په هیواد کې د بې وزلۍ او د روغتیا په حالت، د کورني اقتصاد په وده او د خوارځواکۍ په کمولو، د ټولنې په اقتصاد او روغتیا په اړیکو او د تغذیې او اقتصاد منزل انسټیټیوټ په لارو چارو پریزنټشن او معلومات وړاندې کړل.

د اقتصاد وزیرې د یاد انسټیټیوټ د کورنۍ اقتصادي ودې د پیاوړتیا له فعالیتونو مننه وکړه او د سالمې ټولنې د درلودلو ډاډ یې څرګند کړ. اقتصاد وزارت ژمن دی، چې د اقتصادي ودې لپاره مؤثره پالیسي رامنځته کړي او په دې برخه کې د اکاډمیکو بنسټونو له پلانونه او تحلیلونه څخه به ګټه واخلو او د ټولنې په وده کې په ځانګړي ډول د کورني اقتصاد په پیاوړتیا کې بنسټیز کار وکړو.

په دې ناسته کې د کورني اقتصاد د ودې او په ټولنه کې د تغذیې یو غوره او مؤثر سیستم په رامنځته کولو کې د ګډ کار د کولو په څرنګوالي بحث وشو.