د اقتصاد وزارت د مشرتابه غونډه ترسره شوه
افغانستان-د اقتصاد وزارت: د اقتصاد وزارت د مشرتابه غونډه د اقتصاد وزیرې ډاکټرې کریمه حامد فاریابي په ریاست او د وزارت د معینتونو سرپرستانو، د مرکزي څانګو رییسانو او مسوولینو په ګډون ترسره شوه.
په دې غونډه کې، د کاري او اداري چارو په اړه په ځانګړي ډول د اقتصاد وزارت د مدیریتي او څارنیز سیستمونو د ګټنې په څرنګوالي، د ۱۴۰۱ مالي کال لپاره د پراختیایي پلان پر جوړونه، کرونا ناروغۍ سره د مبارزې پر لارې چارې او د مخکیني مشرتابه غونډې د پرېکړه شویو مواردو د پایلو په اړه بحث وشو.
د اقتصاد وزیرې، د وزارت کارکوونکو ته له کرونا ناروغۍ د مخنیوي لپاره د روغتیایي ټکو جدي نیولو په ټینګار سره، مسوولینو ته د مدیریتي او څارنیزو سیستمونو د موثره استفادې لپاره په ځانګړي توګه د MIS د معلوماتو د مدیریت سیستم د استفادې لپاره لازمه لارښوونه ورکړل شوه.
وروسته د مرکزي څانګو رییسانو او د ولایتونو ځینې رییسانو په زون واره توګه خپل د کړنو راپور، ننګونې او د خپلې ادارې کاري وړاندیزونه او هم د مخکینۍ غونډې د پرېکړو پایله د وزارت مشرتابه ته وړاندې کړل.
ډاکټر فاریابي، د اقتصاد وزارت د مرکزي او ولایتي بېلابېلو څانګو د کړنو راپورونو د اورېدلو وروسته، د کاري لومړیتوبونو پر بنسټ او د روغتیایي ټکو په پام کې نیولو سره، د خدمتونو د وړاندې کولو لپاره په جدي توګه د کار او فعالیت پر دوام ټینګار وکړ او د غونډې د پرېکړو پر بنسټ مرکزي او ولایتي مسوولینو ته یې لازمه هدایت ورکړ.
