د اقتصاد وزارت ستراتیژیک پلان تدوین شو

۱۳۹۹/ سلواغه/۱۲

د اقتصاد وزارت ستراتيژیک پلان د بشپړونې ورکشاپ د اقتصاد وزارت د کنفرانسونو په تالار کې جوړ شو.

نوموړی ورکشاپ د اقتصاد وزارت د رهبرۍ په حضور کې دایر شوی و، چې د مرکزي ریسانو سربېره ولایتي ریاستونو رییسانو، مشاورینو او اقتصادي کارپوهانو هم پکې ګډون درلود او د اقتصاد وزارت په پنځه کلنې تګلارې (مسوده) ۱۴۰۰ /۱۴۰۵ باندې بحث او مشورې تر سره شوې.

په پیل کې د اقتصاد وزارت وزیرې ډاکټر کریمه حامد فاریابي ددې وزارت په پنځه کلن ستراتیژيک پلان په جوړولو ټینګار وکړ. او دایې د ټولنیزې هوساینې په برابرولو او د ځان بسیا او متحرک اقتصاد په تر لاسه کولو کې د اقتصاد وزارت مهمه ونډه یاده کړه.

نوموړې د پلان د مسودې د تسوید لپاره ددې وزارت له

تخنیکي ډلې څخه مننه وکړه. او دا یې د وزارت په انسجام کې یو تاریخي کار وګڼلو. او د هیواد اقتصادي ودې او پرمختیا لپاره د اقتصادي سیاست، پالیسیو او ستراتیژیو له جوړولو پرته په افغانستان کې د اقتصادي ودې لاسته راوړل ناممکن وګڼل.

نوموړې زیاته کړه، چې د دې پلان سره به اقتصاد وزارت خپل نوی او تکاملي پړاو ته د ننه شي او خپلې ستراتیژیکې موخې او لاسته راوړلو لپاره به یو پیاوړی او پر ځان بسیا اقتصاد ولري. او د افغانستان د دوامداره پرمختګ، د ټولنیزې هوساینې چمتو کول، د بېوزلۍ کمښت او آباد او پر ځان بسیا اقتصاد د بډاینې لپاره به زیات کار وکړو.

وروسته د اقتصاد وزارت مسلکي معین محمد نبی سروش او اداري او مالي معین محمد یوسف شیرزی د اقتصاد وزارت په موخو، پروګرامونو، دندو او همداراز د اقتصاد وزارت په نویو پروګرامونو او د ټولنې د اړتیاو په بنسټ په اقتصادي ودې خبرې وکړې. او اقتصاد وزارت یې یو پالیسي جوړونکی، کلیدي او د افغانستان د پراختیا او پرمختیا په برخه کې یې یو مهم او سکتوري وزارت یاد کړ. ع

وروسته د اقتصاد وزارت پنځه کلن پلان د ورکشاپ ګډونوالو ته وړاندې شو. څلور ګروپونو په مشترک ډول خپل نظرونه او وړاندیزونه سره شریک کړل او یو واحد نظر رامنځته شو.

دا پلان به د سلاکارانو او اقتصادي کارپوهانو د نظرونو او وړاندیزونو له یو ځای کولو او د افغانستان اسلامي جمهوري دولت د مشرتابه له تصویب وروسته به پلی شي.