د اقتصاد وزارت پنځه نوي ګمارل شوي رییسانو معرفي شول او په کارونو یې پیل وکړ

افغانستان- د اقتصاد وزارت: ښاغلي محمد یونس سالک د 1100 ګڼې حکم له مخې د اقتصاد وزارت د کرنې او د کلیو پراختیا ریاست د رییس په توګه، محمد نعیم رحماني د 1103 ګڼې حکم له مخې د فاریاب ولایت د اقتصاد د رییس په توګه، عزیز الله شفیق د 1199 ګڼې حکم له مخې د بامیانو ولایت د اقتصاد د رییس په توګه، احسان الله مرادي د 1194 ګڼې حکم له مخې د کندز ولایت د اقتصاد د رییس په توګه او محمد رووف رادمرد د 1036 ګڼې حکم له مخې د سرپل ولایت د اقتصاد د رییس په توګه، چې تازه د اداري اصلاحاتو او ملکي خدمتونو کمیسیون په ازادې سیالۍ کې یادو بستونو ته بریالي شوي و، نن یې د اقتصاد وزیرې ډاکټر کریمه حامد فاریابي په حضور کې او د یاد وزارت مالي او اداري معینیت سرپرست محمد طاهرې روزي، د اقتصاد وزارت یو شمېر رییسانو او آمرینو په ګډون په یو لړ مراسمو کې معرفي او په کارونو یې پیل وکړ.

د اقتصاد وزیرې ډاکټر کریمه حامد فاریابي په دې غونډه کې د وزارت نويو ګمارل شويو رییسانو څخه د بریالیتوب هیله وکړه او هغوی ته یې د اداري فساد سره مبارزه، له قومي تعصباتو څخه ډډه، په خپلو ادارو کې ځوانانو ته په ونډه، په خپلو دندو کې اخلاص او ژمنه او د ښایسته سالارۍ په اصل یې ټینګار وکړ.

د اقتصاد وزیرې له نوي ګمارل شویو رییسانو او نورو ولایتي او مرکزي رییسانو څخه غوښتنه وکړه، چې د روڼتیا د تامین او د وخت له ضایع کېدلو څخه د مخنیوي لپاره له MIS سیستم څخه استفاده وکړي.

د مالي او اداري معینیت سرپرست محمد طاهر روزي نويو رییسانو ته د بریالیتوب د هیلې تر څنګ د ګمارنې د پروسې د مصاحبې د کمیټې د یوه غړي په توګه ټینګار وکړ، چې د وزارت نويو ګمارل شويو رییسانو د خپلو ظرفیتونو او تخصص ته په پام سره کولای شي د ولایتونو په کچه له اقتصاد وزارت څخه په ښه ډول استازیتوب وکړي.

د مالي معینیت سرپرست نويو رییسانو ته ډاډ ورکړ، چې د اقتصاد وزارت مشرتابه د خپلو دویمو واحدونو څخه هر وخت ملاتړ کړی او دغه ملاتړ به تر آخره دوام کوي.

د وزارت نويو ګمارل شويو رییسانو ژمنه وکړه، چې په خپل اړوندو دندو کې د روڼتیا اصل ته په پام کوي او د هېواد د نافذه قوانینو سره سم به د اقتصاد وزارت د رهبرۍ سره به په همغږۍ پر مخ ځي.