د اقتصاد وزیري د بلاروس جمهوریت د غیر مقیم استازي سره وکتل
افغانستان- د اقتصاد وزارت: د اقتصاد وزیرې ډاکټر کریمه حامد فاریابي د بلاروس هېواد له غیر مقیم استازي اولیگ نیکولاویچ ایوانف سره لیدنه وکړه او د اقتصادي او سوداګریزو ګډو اړېکو په اړه یې بحث سره وکړ.
په دې لیدنه کې، د بلاروس له لوري د دواړو هېوادونو ترمنځ د یو ګډ سوداګریز او اقتصادي اړېکو د هوکړې د لاسلیک غوښتنه وشوه، څو د همدې لارې به په ګډ نندارتون کې د کاري، تخنیکي، ترانیزیټي او د کالیو د سفر لپاره په آسانتیاو او د روادید/ویزا د اخیستنې غوښتنه وشوه.
د اقتصاد وزیرې د بلاروس هېواد سره د سیاسي، اقتصادي او سوداګریزې اړیکې اړینې وګڼلې او په کابل کې د دې هېواد غیر مقیم استازي شتون ګټوره وګڼل شو او ستاینه یې وشوه.
نوموړي ټینګار وکړ، چې د اقتصاد وزارت د یاد هېواد سره د اقتصادي او سوداګریزو اړېکو له درکه دیپلوماتیکو بنسټونه تشویقوي، تر څو زر تر زره به د سوداګریزو او اقتصادي اړېکو د تګلارې هوکړه لیک لاسلیک شي.
د یادونې وړ ده، چې د دواړه هېوادونو ترمنځ د سوداګرۍ کچه تر ۱۵۰ میلیونه ډالرو پورې رسېږي، خو دغه پروسه په ۱۴۰۰ کال کې تر دې دمه د دواړو هېوادونو ترمنځ د سوداګرۍ کچه ۵۰ ملیونه ډآلرو ته رسېدلې. ممکن ددې کچه د ۱۴۰۰ کال تر آخره د دواړو هېوادونو ترمنځ د سوداګرۍ کچه تر ۲۰۰ میلیونه ډآلرو پورې ورسېږي. په پام کې ده، چې د بلاروس هېواد د اقتصادي او سوداګرۍ یو پلاوی په نږدې راتلونکي کې کابل ته راشي او د اقتصادي او سوداګریز هوکړه لیک په مواردو باندې بحث وکړي.
