د اقتصاد وزیر د کارموندنې پروژې په څلورم پړاو پلي کېدا ټینګار وکړ

د اقتصاد وزیرې ډاکټر کریمه حامد فاریابي په خپل کاري دفتر کې د نړیوال بانک له یو شمېر مسوولینو سره وکتل.

په لومړي سر کې د نړیوال بانک استازي ولي ابراهیمي او آغلې مسعودې خبرې وکړې او د اقتصاد وزارت په رهبرۍ د بهرنیو چارو وزارت، د کډوالو او راستنیدونکو چارو وزارت، د سیمه اییزو ارګانونو خپلواکه اداره او د کابل ښاروالۍ په همکارۍ د کارموندنې پروژې څلورم پړاو په موثریت او راستنیدونکو او کورنیو بې ځایه شویو کډوالو ته د دندې وړ فرصتونو په برابرښت کې د مننې وړ یاد کړل.

وروسته د اقتصاد وزیرې د د کارموندنې پروژې له مسولینو مننه وکړه. او د دې پروژې پلې کېدا یې ولسونو ته د کاري فرصتونو په مهیا کې اغیزمن وګڼل. همداراز د پروسې په ګړندي کولو کې د همغږۍ رامنځته کیدا ژمنه وکړه.

د کارموندنې پروژې څلورم پړاو پلي کیدا د کابل ښاروالۍ پر غاړه ده، چې په زیاترو ستونزو یې هم خبرې وشوې او حل لارو باندې یې نظرونه سره شریک شول او زر به عملي شي