د پکتیا د روغتیایي علومو انسټیټیوټ ودانۍ ګټې اخیستنې ته وسپارل شوه

اقتصاد وزارت - افغانستان: په پکتیا کې د روغتیایي علومو انسټیټیوټ ودانۍ د ۲۲.۷ میلیونه افغانیو په ارزښت د دوست هیواد هندوستان د مالي مرستو د ټولنیز اغیز پراختیایي پروژېHICDP تر سیوری لاندې د پکتیا په مرکز جوړه او د پکتیا والي محمد حلیم فدایي او د اقتصاد رییس بهرام بهیر او ځایي چارواکو له لوری یې پرانیسته او

ګټې اخیستنې ته وسپارل شوه.

په دې غونډه کې د پکتیا والي د اقتصاد وزارت او د هند سفارت د پروژې تمویل لپاره مننه وکړه او وېې ویل: دا ودانۍ مخکې د NAC کمیټې له لوري، چې د زده کوونکو د ښوونې لپاره یې مناسب ځای نه درلوده . او اوس به د روغتیا علومو تدریس لپاره ځانګړې شوې ده.

ددغه دوه پوړيزې ودانۍ په جوړولو سره، چې ( ۲۴) درسي خونې او (۶) دفتري خونې لري د (۲۰۰) زده کوونکو لپاره د تعلیم یو وړ او مناسب ځای پکې چمتو شوی دی.