د ۱۴۰۰ مالي کال په بودجه کې د اقتصاد وزارت د ۳،۴ میلیونه ډالرو د مرستې غوښتنه منظور شوه.
د کابینې په غونډه کې چې پرون د افغانستان د ولسمشر محمد اشرف غني په مشرۍ ارګ کې جوړه شوی وه، د کرونا وایروس سره د مبارزې په موخه ، usaid لخوا د اقتصاد وزارت د ۳،۴ میلونه ډالرو د مرستې غوښتنه منظور شوه.
د ارګ خبري ویب پاڼې په وینا، غونډه کې لمړی ولسمشر د ۱۴۰۰ مالي کال ملي بودجې د مسودې له چمتو کولو یې د مالیې وزارت له مشرتابه او چارواکو څخه مننه وکړه.او وروسته، د اقتصاد وزارت سرپرستې وزیرې آغلې کریمه حامد فاریابۍ په شتون؛ کابینې د ۱۴۰۰ مالي کال لپاره د ملي بودجې مسوده تصویب کړه.
په وروستي یو کال نه لږو وختونو کې، د کرونا وایروس ناروغۍ پراختیا افغانستان هېواد هم اقتصادي زیانونو سره مخ کړی او د اقتصاد وزارت پر غاړه دي چې ، ددې پیښې له امله رامینځته شوي زیانونو د خسارو او تاوان ،د خلکو اقتصادي زیربناو پیاوړي کول، د مالي مرستې راجلبول او د خلکو لپاره د عاید لاره برابرولو لپاره کار وکړي.
