پراختیایي کمیټې د کاپیسا ولایت پراختیایي او ټولنیز پلان مسوده تایید کړه
افغانستان- د اقتصاد وزارت: د کاپیسا ولایت د پراختیایي او ټولنیز پلان مسوده، چې په (۶) سکتورونو کې د( ۱۲۸۸۹۳۵۰۶۲) افغانیو په اټکلي بودیجې سره (۹۸) پروژو د ځینو نورو پروژې په زیاتولو سره شاملې دي د پراختیایي کمیټې لخوا تایید شوه.
د کاپیسا ولایت والي عبدالطیف مراد د یاد ولایت د سیمه اییزې ادارو له رییسانو څخه وغوښتل، چې د یاد پلان مسوده مرکزي ادارتو سره شریکه کړي. او د پروژو د تطبیق لپاره د ملاتړ په ترلاسه کولو کې یې کوښښ وکړي.
د کاپیسا ولایت د اقتصاد رییس سید اکرم واصل د کاپیسا ولایت د ولایتي لر لید د چاپولو په تړون کې د همکارو اداراتو له همغږۍ څخه ستاینه وکړه او د پروژو د چارو له تطبیق او پرمختګ راپور یې د څارنې او راپور ورکوونې د سیستم PMRS له مخې ګډون کوونکو سره شریک کړل.
همدارنګه په دې غونډه کې، د (باغ درې) د بریښنا بند د جوړونې عملي چارې د پیل کولو په اړه خبرې وشوې.
د باغ درې د بریښنا بند پروژې د (۲۶۰) میلیونو ډالرو په ارزښت د اوبو څخه د مدیریت د ملي ادارې لخوا پلې کېږي، چې د (۲۵۰) میګاواټه بریښنا د تولید د (۲۰۰۵) ملیونه متر. مکعب څخه زیاته د اوبو پانګه او د (۱۴۰۰۰) هکتارو څخه د زیاتو ځمکو د اوبه لګونې ظرفیت لري.
