په فراه ولایت کې د ولایتي پراختیایي کمیټې (PDC) غونډه جوړه شوه.
اقتصاد وزارت_افغانستان: په فراه ولایت کې د ولایتي پراختیایي کمیټې( PDC ) غونډه د دې ولایت د والي مسعود بختور په مشرۍ او د ولایتي شورا استازو او د یادې کمیټې د غړو په ګډون د ولایت مقام د غونډو په تالار کې جوړه شوه.
د فراه ولایت والي د تېرې ناستې پریکړو ته په کتو د امنیت او حکومتدارۍ په اړه یې خبرې وکړې او د پروژو د پلي کیدو په برخه کې یې د ټولو ادارو د مسوولینو جدي پاملرنه یې وغوښته او د پروژو په دقیقه او دوامداره څارنه یې ټینګار وکړ.
د فراه والي زیاته کړه، چې اړوندې ادارې باید د پروژو د پلي کیدو او نه پلي کیدو او د پروژو د پرمختګ راپورونه دې د ولایت مقام او د اقتصاد له ریاست سره شریک کړي.
په دې غونډه کې د فراه ولایت د اقتصاد رییس د پراختیايي، اقتصادي او ټولنیز پروفایل ترتیب، په پراختیایي پلان کې تعدیل، د PMRS سیستم ، د دولتي ادارو پراختیایي فعالیتونو او د ولایت په کچه د غیر دولتي موسسو په اړه معلومات وړاندې کړل.
همدا راز د پروژو د لا ښه پلي کیدو او د هغوی د ستونزو د حل په موخه د غونډې غړیو نظرونه او وړاندیزونه وړاندې کړل او لازمې پریکړې وشوې.
