یوه خصوصي شرکت د ګرځنده تلیفون د ثبت او راجسټریشن طرحه او د هغې ګټې له اقتصاد وزارت سره شریکې کړې.

habibi_admin
چهارشنبه ۱۴۰۰/۳/۱۹ - ۸:۳۶
image

اقتصاد وزارت _ افغانستان: د اکسس آرت/ Access -ART په نوم یوه خصوصي شرکت په مبایل کې د ثبت او راجسټریشن طرحه او د هغې ګټې د اقتصاد وزارت له رهبرۍ سره شریکې کړې.

په همدې مناسبت په اقتصاد وزارت کې یوه غونډه جوړه شوې وه، چې د اکسس آرت/ Access -ART رییس ، ذبیح٬الله نظری، د همدې شرکت اجراییوي مدیر امان الله نظري د یادې طرحې د ننګونو، اقتصادي ګټو په پار پرزنټیشن ورکړ، چې په پلي کولو کې یې د اقتصاد وزارت مشرتابه او نورو اړوندو ادارو څخه یې پاملرنې غوښتنه وګړه.

په دې غونډه کې د اقتصاد وزارت سرپرست معینانو هم شتون درلوده، چې ډاکټر فاریابي د محصول استملاک ، د ګرځنده تلیفونونو او نورو سافټویرونو د ثبت او راجسټریشن ډیجیټلي کول وستایل او په دې اړه یې د ولسمشر پیغام، چې د پالیسیو او پرمختیایي پروګرامونو په جوړولو، د دندو لټون او د ظرفیتونو لوړول او د شرکتونو د استازو لپاره اداري فساد له منځه وړل، خصوصي شرکتونو ته د خدماتو په چمتو کولو کې د لا ډېرې اسانتیا رامنځته کولو او د هغوی څخه د ملاتړ یاده یې وکړه.

ډاکټر فاریابي ټینګار وکړ، چې اقتصاد وزارت له ټولو هغو طرحو او پروګرامونو څخه ننګه کوي، چې وکولای شي هیواد ته اقتصادي بډاینه ورکړي او ددغې طرحې په اړه به د ټولو اړوندو ادارو سره به همغږي وګړي.

دAccess ART شرکت د معلوماتو په اساس ددغې طرحې په پلي کولو سره به د ټولو هغو مبایلونو، چې افغانستان ته راواردیږي سریال نمبرونه به یې ثبت کیږي.

د وړاندې شویو معلوماتو په اساس د افغانستان په ملي بودیجه کې په منځني ډول د ګرځنده مبایلونو د ثبت له لارې ۲۲ میلیونه ډالره عواید زیاتیږي.

ددغې طرحې د تطبیق په صورت کې کولای شو، چې د ګرځنده تیلفونو څخه د غیر قانوني کړنو او د ګرځنده تلیفونونو او کمپیوټرونو د غلا مخنوی وشي.

 

تازه خبرونه

یکشنبه ۱۴۰۰/۳/۲۳ - ۱۲:۴۵
Background image

په ولایتي پراختیايي ناسته کې د (۱۴۰۱) کال پراختیايي پلان نهايي شو.

ولایتي پراختیايي ناسته چې د ولایت د محترم مرستیال والي ښاغلي عبدالولي سهي په مشرۍ د دوهمي واحدونو او مؤسساتو د مسؤلینو په ګډون سره ولایت مقام د ناستو په تالار کې تر سره شو، په لړ کې یې. . .

پنجشنبه ۱۴۰۰/۳/۲۰ - ۸:۳۴
Background image

په بادغیس کې د پراختیایي‌کمیټې غونډه جوړه شوه

افغانستان- اقتصاد وزارت: په بادغیس ولایت کې د پراختیایي‌کمیټې غونډه (PDC) د مقام د اقتصادي او ټولنیزو چارو مرستیالې زرغونې‌ شیرزاد په مشرۍ او د اقتصاد ریاست په سکرتریت او د دولتي ادارو. . .

پنجشنبه ۱۴۰۰/۳/۲۰ - ۸:۳۰
Background image

په دایکندي کې د پراختیایي ‌کمیټې/ PDC غونډه جوړه شوه

افغانستان- اقتصاد وزارت: په دایکندي ولایت کې د پراختیایي ‌کمیټې / PDCغونډه د ولایت والي رشیدي شهیدي په مشرۍ او د مقام د اقتصادي او ټولنیزو چارو مرستیال د ولایتي شورا استازو او د سکتوري. . .

BACK TO NEWS