د اقتصاد وزیر: د ایکوتا پورې اړوند غړي هېوادونه باید خپلې ژمنې عملي کړي
افغانستان- د اقتصاد وزارت: د ایکو هوکړه لیک د مواردو په اړه د همغږۍ ناسته د اقتصاد وزیرې ډاکتر کریمه حامد فاریابي په مشرۍ او د بهرنیو چارو وزارت او د صنعت او سوداګرۍ وزارتونو د استازو په ګډون په اقتصاد وزارت کې جوړه شوه.
په دې ناسته کې د ایکو تړون په ارزښت او د دې تړون نامې د مواردو په پلي کولو د غړيو هېوادونو د ژمنو د تعقیب د معلوماتو د شریکولو او د دې تړون نامې د غړو هېوادونو د رییسانو پنځمه غونډې ته د چمتووالي او د اړوندو اداراتو ترمنځ د همغږۍ په پیاوړتیا باندې خبرې وشوې.
د صنعت او سوداګرۍ وزارت استازي په دغه ناسته کې د ایکو تړون نامې په اړه معلومات وړاندې کړل او ویې ویل: د دې تړون نامې ټولو موارد به په افغانستان کې پلي شي.
د اقتصاد وزیرې د غړیو هېوادونو لخوا د ایکو د تړون نامې د مواردو په عملي کولو ټینګار وکړ او د اړوندو ادارو څخه یې وغوښتل، چې د دې تړون نامې د ښه تعقیب لپاره په خپلو منځونو کې همغږي زیاته کړئ.
د ایکو هوکړه لیک په ۲۰۰۴ زېږدیز کال کې د ګمرکي تعرفو د کمولو په موخه د پنځو هېوادونو( افغانستان، ترکیه، پاکستان، آذربایجان او تاجکستان)هیوادونو ترمنځ، لاسلیک شوی دی.
