د اقتصاد وزیرې د دوه اړخیزو منلو او د ګډ کار د روحیې په پیاوړي کولو باندې ټینګار وکړ.
اقتصاد وزارت _افغانستان: د اقتصاد وزیرې ډاکټر کریمه حامد فاریابي ددې وزارت له کارکوونکو سره د اختر په ځانګړې ناسته کې د دوی د فعالیتونو ستاینه وکړه او د ګډ کار د روحې په پیاوړي کولو، د یووالي په رامنځته کولو او د متقابل منلو ته په وده ورکولو باندې یې ټینګار وکړ.
د اقتصاد وزیرې زیاته کړه، چې موږ د یو او بل سره په همکارۍ او ملتیا کې کولای شو، ستونزې حل کړو او هیواد د خودکفایۍ لورې ته سوق کړو.
ډاکټر فاریابي په دې غونډه کې د هیواد د ستونزو د حل په اړه هیله څرګنده کړه. او د وزارت کارکوونکي د نوې ټکنالوژۍ سره د یو ځای کیدو په موخه یې تشویق کړل.
د اقتصاد وزیرې په دې وزارت کې د د میرمنو ونډه۳۰ سلنې ته د لوړولو او د وزارت په پنځه کلن استراتیژیک پلان کې شتون لري. او له میرمنو یې وغوښتل، چې د زده کړو او وړتیاو مطابق په رسمي بستونو کې نومونه ثبت کړي.
