په دایکندي کې د غیر دولتي موسسو سره د همغږي غونډه جوړه شوه.
اقتصاد وزارت ـ افغانستان : په دایکندي ولایت کې د موسسو سره د همغږۍ غونډه د ولایت مقام اقتصادي او ټولنیز مرستیالې فاطمه اکبري په مشرۍ او د اقتصاد رییس عوض علي يویا او د سکتوري ریاستونو رییسانو، د غیر دولتي موسسو د استازو په ګډون جوړه شوه.
په دې غونډه کې په اړمنو د مرستو د ویش او د بادامو او لبنیاتو د پروسس مرکز په ساتنه او مراقبت باندې بحثونه وشول او د ګډونکوونکو له لوري لازمې پریکړې ونیول شوې.
سربېره پرې دې د یاد ولایت اقتصادي او ټولنیزې مرستیالې په دایکندي کې د غیر دولتي موسسو له فعالیتونو مننه وکړه او د اړوندو ادارو په همغږۍ، روڼتیا او دوامدارې څارنې باندې یې ټینګار وکړ.
