بیلاروس هېواد افغانستان سره خپلو سوداګریزو او اقتصادي اړیکو ته وده ورکوي

د اقتصاد وزارت نوماندې او سرپرستې وزیرې ډاکټرې کریمه حامد فاریابۍ نن افغانستان ته د بیلاروس هېواد له نا میشته سفیر اولیګ ایوانوف سره په خپل دفتر کې ولیدل.
په لیدنه کې د افغانستان او د بیلاروس جمهوریت تر مینځ د سوداګریزو اړیکو د پراختیا او اقتصادي ملتیاو په اړه خبرې وشوې.
ښاغلي ایوانوف د تېر کال(۲۰۱۹) هوکړه شوي تړون پر بنسټ، افغانستان سره د ماشین آلاتو او کرنیزو محصولاتو ، لبنیاتو ، وسایطو او درملو په صنعت کې  د سوداګریزو اړیکو د پیل غوښتنه وکړه، او په راتلونکي پسرلي کې د دواړو هېوادونو تر مینځ د صادراتو او واردتو د پیل په موخه یاد هېواد ته آغلې فاریابۍ ته په بلنې سره خپل چمتوالې وښوده.
پایله کې ډاکټرې فاریابۍ د یاد هېواد له رسمي بلنې نه په مننې سره د سوداګرۍ او اقتصادي اړیکو د پراختیا ژمنه وکړه.