تدویر مجلس تقویت هماهنگی در وزارت اقتصاد
مجلس تقویت هماهنگی در بخش‌های استخدام کارمندان مسلکی، تفویض صلاحیت‌های پولی، تأمین شفافیت در عقد‌قرارداد ها و برسی نیازمندی‌های وزارت اقتصاد برای سال آینده تحت ریاست الحاج شیخ عبدالباری سعیدی، رئیس دفتر مقام محترم وزارت اقتصاد ا.ا.ا، با حضور داشتن رئیس مالی و اداری، آمر تدارکات و نماینده‌گان ریاست‌های تفتیش داخلی و سکتور خدمات اجتماعی تدویر گردید.
در این مجلس، معلومات همه‌جانبه از فعالیت‌ها و کارکردهای ریاست مالی و آمریت تدارکات به رئیس دفتر مقام وزارت اقتصاد شریک گردید.
در اخیر، هدایات لازم در بخش‌های استخدام کارمندان مسلکی، شایسته‌سالاری، صرفه‌جویی در تدارکات و هماهنگی بین ادارات از طرف رئیس دفتر مقام محترم وزارت داده شد.
