د اقتصاد وزیرې د کرکټ بورډ له اجراییوي رییس سره وکتل
افغانستان - د اقتصاد وزارت: د اقتصاد وزیرې ډاکتر کریمه حامد فاریابي د افغانستان د کرکټ بورډ له اجراییوي رییس حامد شینواري او ورسره مل همکارانو سره وکتل.
په دې لیدنه کې د افغانستان په کرکټ بورډ کې تر کار لاندې او یا بشپړو شویو د پروژو په اړه، د تر کار لاندې پروژو د لویو ستونزو او په ولایاتو کې د کرکټ د میدانونو په جوړولو بحث وشو.
شاغلي شینواري د اقتصاد وزیرې څخه وغوښتل چې د شته فرصتونو په موندنو له هغوی څخه د کابل ښار د کرکټ د نړیوال سټیډیوم جوړولو لپاره د پراختیایي پروژو او د تمویلوونکو د مرستو په راجلبولو کې له هغوی سره همکاري وکړي.
د اقتصاد وزیرې، د دې په یادولو سره چې موږ ټول د یو سوکاله افغانستان په هکله فکر کوو، وویل: وزارت د صلاحیتونو په حدودو کې د شته ستونزو د حل لپاره همکارۍ ته چمتو دی.
