د ملي عمل په درېیم پروګرام کې د شمولیت په موخه د ټولنې د بېلابېلو پرګڼو د وړاندیز شویو موضوع ګانو راټولولو په موخه
د افغانستان پرانیستې دولتدارۍ مشارکت اعلامیه
د افغانستان اسلامي جمهوري دولت د پرانیستې دولتدارۍ مشارکت د ملي عمل درېیم پروګرام د تدوین بهیر په نېږدې ورځو کې پیلیږي.
د پرانیستې دولتدارۍ مشارکت(OGP) د لارښود په بنسټ د دغه سازمان د غړیو هیوادونو د ملي عمل پروګرامونه د مدني ټولنو بنسټونو په مشارکت تدوین او چمتو کیږي. د افغانستان اسلامي جمهوري دولت د پرانیستې دولتدارۍ مشارکت غړیتوب تر لاسه کولو څخه تر دې دمه؛ خپل د ملي عمل پروګرامونه د یاد لارښود په رڼا کې تدوینوي.
د افغانستان ملي عمل پروګرام په بریا سره پلی شوی او د ملي عمل دویم پروګرام د مدني ټولنو بنسټونو او هیوادوالو په پراخ مشارکت سره تدوین شوی او د تطبیق په وروستیو پړاوونو کې دی. د افغانستان اسلامي جمهوري دولت د ملي عمل دویم پروګرام کې ۱۸ بدلون راوړونکې ژمنې شاملې دي، چې په پلي کیدو سره به یې د عامه خدماتو په برخه کې روڼتیا او حساب ورکوونه زیاته او د ملي پالیسیو په تدوین کې د عامه مشارکت زمینه برابره شي. د بېلګې په ډول یې ((ذیفع مالکیت د ثبت او پلټنې مقررې)) ژمنې څخه چې د حساب ورکوونې، ځواب وینې او د روڼتیا لوړونې په برخه کې تدوین او تصویب شوې، یادونه کوو. په باوري توګه د هغه د سم پلي کیدو سره به له ډول-ډول جرمونو( مالیاتي فرار، د پیسو تطهیر، د ترهګرۍ تمویل او د نشه یي توکو قاچاق) څخه به مخنوی وشي.
دا چې د ملي عمل دویم پروګرام د تطبیق وخت په تمامیدو دی او ډېرې ژمنې یې بشپړې شوې. د افغانستان اسلامي جمهوري دولت په پام کې لري، چې د پرانیستې دولتدارۍ مشارکت د ملي عمل درېیم پروګرام د تدوین چارې هم پیل کړې، نو له دې کبله له ټولو وزارتونو، خپلواکو ادارو، د مدني ټولنې بنسټونه، رسنیو، ښوونیزو او تحصیلي سکتور او هیوادوالو څخه په درنښت هیله کیږي؛ څو خپلې وړاندیز شوې موضوع ګانې، چې په ( روڼتیا، حساب ورکوونې، د عامه پالیسیو په تدوین او تطبیق بهیر کې د هیوادوالو مشارکت د ښه والي او لوړاوي او د نوې ټیکنالوژۍ څخه استفادې پورې اړونده وي) د ملي عمل درېیم پروګرام کې شمولیت په موخه د ۱۴۰۰ کال د زمري د میاشتې تر ۵ نیټې پورې د لاندې بریښنالیک له لارې له موږ سره شریکې کړي.
info@ogpa.gov.af او Faisal.stanekzai2@gmail.com
د یادونې وړ ده، چې د پرانیستې دولتدارۍسکرتریت د هیواد د ملي عمل پروګرامونو د اسانچارې رول لري او ستاسو وړاندیز شوې موضوګانې به له توحید وروسته اړوندو مراجعو، په تېره د افغانستان پرانیستې دولتدارۍ مشارکت ټولګې عمومي فورم ته وړاندې شي.
