نن چهارشنبه د ۱۴۴۴ هجري قمري کال د ذوالقعدې د میاشتې څلورمه نیټه د اقتصاد وزارت سرپرست محترم قاري دین محمد "حنیف" د دغه وزارت د کنفرانسونو په تالار کې د یو شمیر غیر دولتي موسساتو له مسوولینو سره وکتل.
نن چهارشنبه د ۱۴۴۴ هجري قمري کال د ذوالقعدې د میاشتې څلورمه نیټه د اقتصاد وزارت سرپرست محترم قاري دین محمد "حنیف" د دغه وزارت د کنفرانسونو په تالار کې د یو شمیر غیر دولتي موسساتو له مسوولینو سره وکتل.
په دې ناسته کې چې د اقتصاد وزارت په مشرۍ د ۳۲ کورنیو او بهرنیو غیر دولتي موسسو د رئیسانو او مسوولینو په ګډون جوړه شوې وه، لومړی د اقتصاد وزارت سرپرست د اقتصاد وزارت او سکتوري وزارتونو سره د غیردولتی موسسو د پروژو او پلانونو د همغږۍ او شریکولو د ښه والي په اړه خبرې وکړې او زیاته یې کړه؛ زموږ هېواد د څو لسيزو جګړو او ناامنيو له شرايطو څخه راوتلی دی، چې د هېواد اقتصادي بنسټونو ته يې د سخت زيان اړولو ترڅنګ د کليو په کچه کوچني تاسيسات او زيربناوې هم زيانمنې کړې دي. زموږ د هېواد خلک اوس مهال د نړیوالې ټولنې بشري مرستو ته، او زموږ هېواد په ملي او سیمه ییزه کچه د اقتصادي زېربناوو بیارغونې ته اړتیا لري. د جوماتونو جوړول او ترميمول، د څښاک د پاکو اوبو د صحي شبکو غځول، د څښاک د اوبو د څاګانو کيندل، د چکډیمونو جوړول او د کليو په کچه نورې وړې پرمختيايي پروژې زموږ د خلکو له مهمو اړتياوو څخه دي.
د اوسني اقتصادي وضعیت په پام کې نیولو سره باید ټولې غیردولتي موسسات هڅه وکړي چې خپل پروګرامونه، پروژې او فعالیتونه د خلکو د عاجلو اړتیاوو پر بنسټ ترتیب او له دغه وزارت او سکتوري ریاستونو سره په همغږۍ د کارموندنې د فرصتونو له لارې په تدریجي ډول د فقر کچه راټیټه کړي او همدارنګه دوی د متوازن انکشاف او د زیان منونکو سیمو او طبقو پیژندلو ته جدي پاملرنه کوي.
ورپسې د غیردولتي موسسو مسوولینو د هېواد په بېلابېلو ولایتونو کې د خپلو پروګرامونو او پلانونو په اړه د اقتصاد وزارت سرپرست ته معلومات ورکړل او په راتلونکي کې یې د اقتصاد وزارت ته د همکارۍ ډاډ ورکړ.
