اطلاعاتو ته د لاسرسي قانون د پوهاوي برنامه په انلاین ډول اطلاعاتو ته د لاسرسي کمیسیون په همکارۍ ترسره شوه.
![image](/sites/default/files/2021-07/207000393_1672392412958368_5812638355277247749_n.jpg)
اقتصاد وزارت _ افغانستان: د اقتصاد وزارت مرکزي ریاستونو د اطلاع رسونې مرجع لپاره اطلاعاتو ته د لاسرسي قانون د پوهاوي پروګرام په انلاین ډول د ویبنار له لارې ترسره شو.
ددې پروګرام موخه د اطلاع رسونې نهادینه کول او د حساب ورکوونې او روڼتیا په پار په ازادانه ډول د اطلاعاتو خپرول و.
د اقتصاد وزارت د اطلاعاتو او عامه اړیکو رییسه نوریه نزهت د اقتصاد وزیرې له حمایت او ژمنتیا یادونه وکړه او اطلاعاتو د کار پر اهمیت او اطلاعاتو ته د لاسرسي د قانون سره سم د اطلاعاتو غوښتونکو لپاره د زیاتو اسانتیاو په برابرولو یې ټینګار وکړ.
اطلاعاتو ته د لاس رسي کمیسیون تخنیکي مشاور وليالله مصباح په دې ویبنار کې اطلاعاتو ته د لاسرسي قانون او اطلاعاتو ته د لاسرسي د حق په اړه برخه والو ته پریزنټشن وړاندې کړ. د ویبنار په وروستیو کې د برخوالو پوښتنو ته یې ځوابونه ورکړل او د دوی نظریات او وړاندیزونه یادښت کړل. په پای کې د دواړو ادارو ترمنځ د همکارۍ او اړیکو په پراختیا باندې ټینګار وشو.