حفیظ الله سلطاني، د اقتصاد وزارت د بشري سرچینو رییس په توګه معرفي شو.
افغانستان- د اقتصاد وزارت: د افغانستان د اسلامي جمهوریت د جمهور رییس محمد اشرف غني د ۲۹/۳/۱۴۰۰ نېټې د (۱۰۰۱) ګڼه حکم پر بنسټ، ښاغلی حفیظ الله سلطاني د رسمي مراسمو ترڅ کې د وزارت د تخنیکي او مسلکي معینیت سرپرست محمد نبي سروش، د اداري او مالي معینیت سرپرست محمد طاهر روزي، د پروان ولایت پخواني والي انجنیر محمد عاصم عاصم او د اقتصاد وزارت د یو شمېر کارکوونکو په ګډون په رسمي توګه د دې وزارت د بشري سرچینو د رییس په توګه معرفي شو او کار یې پیل کړ.
د تخنیکي او مسلکي معینیت سرپرست محمد نبي سروش په دې مراسمو کې د بشري سرچینو ریاست د کړنو او سوانحو د ارزونې د امر په توګه د ښاغلي سلطاني د تېرو کړنو په ستایلو سره یې نوموړی یو فعال او پیاوړي کس په توګه یاد کړ او ورته یې د بریاليتوب غوښتنه وکړه.
د پروان ولایت پخواني والي عاصم عاصم هم د بشري سرچینو د رییس په توګه د حفیظ الله سلطاني ونډه د هغه د پخوانیو کړنو په پام سره ګټوړه وبلله.
د اقتصاد وزارت د بشري سرچینو نوي رییس د اقتصاد وزارت له ملاتړ او پاملرنې مننه وکړه او ژمنه یې وکړه چې اقتصاد وزارت کې د مسلکي ځواک د جذب، ښوونې او پرمختګ لپاره به هر اړخیزه زیار وباسي او د هېواد پر وړاندې خپله اصلي وجیبه به په رښتینې توګه ادا کړي.
