د افغانستان د سولې او پرمختګ د دویم ملي سند چوکاټ سره د افغانستان د تلپاتې پراختیایي موخو SDGs د اړېکې ورکونې دویمه تخنیکي ناسته ترسره شوه.
افغانستان- د اقتصاد وزارت: د افغانستان د سولې او پرمختګ د دویم ملي سند چوکاټ سره د افغانستان د تلپاتې پراختیایي موخو SDGs د اړېکې ورکونې په اړه دویمه تحنیکي ناسته د اقتصاد وزارت د تخنیکي او مسلکي معینیت سرپرست محمد نبي سروش تر مدیریت لاندې اقتصاد وزارت کې ترسره شوه.
په دې غونډه کې، د افغانستان د سولې او پرمختګ د دویم ملي سند چوکاټ سره د افغانستان د تلپاتې پراختیایي موخو SDGs د اړېکې ورکونې لپاره د معیاري تګلارې او چوکاټ د جوړولو په اړه تخنیکي بحثونه وشول او د دواړو ادارو د استازو ترمنځ د دواړو سندونو د مطابقت ورکونې د معیاري میکانیزم او چوکاټ باندې هوکړه وشوه.
د افغانستان د سولې او پرمختګ دویم ملي سند درې اساسي رکنه لري چې سوله جوړونه، دولت جوړونه او مارکیټ جوړونه دي، چې د اتو لومړیتوب لرونکو ملي برنامو سره پلي کېږي.
شته میکانیزم، د هېواد اته لومړیتوب لرونکې برنامې سره د هېواد د تلپاتې پراختیایي موخو د اړېکې ورکونې لپاره یو معیاري میتود ښیي، چې اوسمهال د اتو لومړیتوب لرونکې برنامې د ترتیب او پراختیا لپاره کار جریان لري.