د اقتصاد وزارت خدماتي کارکونکو ته د مرستې بنډولونه وویشل شول
افغانستان- د اقتصاد وزارت: د EPEK موسسې د مرستې بنډلونه، چې مغذي او پروتیني توکو پکې و، د روژې د میاشت په پار د اقتصاد وزیرې ډاکټر کریمه حامد فاریابي په حضور کې د وزارت ۱۸۰ خدماتي کارکونکو ته وویشل شول.
په پیل کې د یادې موسسې رییس صفي الله نوري اړمنو ته د دغې مرستې د رسېدلو په خاطر د اقتصاد وزارت له همکارۍ څخه مننه وکړه او د توزیع شويو توکو د روغتیایي ترکیب او ارزښت په اړه یې معلومات وړاندې کړل.
وروسته د اقتصاد وزیرې د EPEK موسسې له مرستو نه مننه وکړه او ډاډ یې څرګند کړ، چې د اقتصاد وزارت رهبري به د خپلو خدماتي کارکونکو د ژوندانه د بدلون لپاره به په هر اړخیزه توګه ترې ملاتړ کوي.
همدارنګه د اقتصاد وزیرې د EPEK موسسې رییس ته د ستاینلیک په ورکولو سره د هغوی د مرستې نه ستاینه وکړه.
