د اقتصاد وزیرې ډاکتر کریمه حامد فاریابي د ترکمنستان د نفت او ګازو/ (OGT_ 2021) په ناسته کې د ویډیو کنفرانس له لارې ګډون وکړ
افغانستان- د اقتصاد وزارت: د اقتصاد وزیرې ډاکتر کریمه حامد فاریابي د ترکمنستان د نفت او ګازو/ (OGT_ 2021) په ناسته کې د ویډیو کنفرانس له لارې ګډون وکړ. دغه ناسته د ترکمنستان هیواد ولسمشر قربانقُلیبردیمحمداوف په وینا په یاد هیواد کې پیل شوه.
په دې ناسته کې د ترکمنستان هېواد د انرژیو په لېږد، ننګونو او فرصتونو باندې بحث وشو، چې د سیمې هېوادونو او د نړۍ نورو هېوادونو ته د یاد هېواد له لوري لیږل کیږي.
ویاندویانو په دغه ناسته کې خپلو هېوادونو ته د انرژیو د لیږد لپاره د لازیاتو همغږیو غوښتنه وکړه.
د یادونې وړ ده، چې ترکمنستان هېواد د ټاپي پروژې په تطبیق کې د افغانستان د متحدو همکارانو څخه دی او د دې پروژې په مرسته به د افغانستان له لارې د ګازو د لویه کرښه د سویل آسیا هېوادونو ته ولیږل شي.
