د اقتصاد وزیرې ډاکتر کریمه حامد فاریابي نن د لوړو زده کړو وزیر عباس بصیر سره وکتل
افغانستان ــ د اقتصاد وزارت: د اقتصاد وزیرې ډاکټر کریمه حامد فاریابي د لوړولو زده کړو وزیر عباس بصیر، د پارلماني چارو د وزارت مالي او اداري مرستیال عاطفه طبیب، د کونړ ولایت پخواني والي محمد ګل بیدار، د درنو جرمونو د دولتي ځمکو د غضبولو قضایاوو د ځانګري استیناف محکمې رییس قضاوتیار عبدالولي قاضي زاده، د کانونو او پترولیم وزارت استازي او په افغانستان کې د قېمتي تیږو له یو شمېر سوداګرو سره وکتل.
په دې لیدنه کې چې په لوړو زده کړو وزارت کې ترسره شوه; لومړی عباس بصیر امریکا ته د خپل سفر په اړه په JOGS نندارتون کې د ګډون او په دې اړه چې په امریکا کې له یو شمېر مېشتو سوداګرو د قېمتي تیږو د پروسس په برخه کې افغان زده کړیالانو ته د ښوونې چمتوالی لري او په دې برخه کې د کارکوونکو په توګه د افغان ښاریانو د منلو لپاره یې معلومات وړاندې کړل.
ډاکتر فاریابي، امریکا ته د لوړو زده کړو وزیر سفر ګټور وباله او د اقتصاد وزارت د مسوولیتونو اوصلاحیتونو په حدود کې یې په دې برخه کې د همکاریو د چمتوالي په اړه ډاډ ورکړ.
د اقتصاد وزیرې د نړۍ هېوادونو ته د صنعتي تولیداتو د پېژندنې لپاره د سواګرو ونډه اړینه وبلله او د قېمتي تېږو په برخه کې پانګونه یې افغانانو ته د کار د زمینې د برابرولو او د بېوزلۍ په کمولو او د بوختیا د رامنځته کولو لپاره د ستر ګام په توګه یاد کړ.
په دې ناسته کې، ګډون د کوونکي له بحثونو وروسته؛ له افغانستانه بهر ته له افغان سوداګرو او پانګوالو سره د همکارۍ او همغږۍ پر میکانیزم او د هېواد قېمتي تېږو د پروسس فن او د تجاربو د لېږد د تګلارو او په دې برخه کې د مارکېټنګ په اړه بحث وشو او لازم تصامیم ونیول شول.
په دې ناسته کې د وړاندیزونو له مخې هوکړه وشوه چې د لوړو زده کړو، اقتصاد، کانونو او پترولیم، سوداګرۍ او نور اړوندو ادارو او یو شمېر ملي سوداګرو چې د قېمتي تیږو د صادراتو او پروسس په برخه کې کار کوي، امریکا ته د یو اختصاصي سفر لپاره اجنډا چمتو او په هېواد کې د تیږو د پروسس فن د بومي کولو په هدف له دې پانګوالو څخه د دولت د ملاتړ په اړه بحث وکړي.
