د سولې وروسته په ټولنه او نظام کې د ښځو په معناداره ګډون د اقتصاد وزیرې ټینګار
افغانستان-د اقتصاد وزارت: د اقتصاد وزیرې داکټر کریمه حامد فاریابي د "انتقال پروسې او د ښځو ګډون" په مشورتي ناسته کې د سولې وروسته په ټولنه او نظام کې د ښځو په معناداره ګډون ټینګار سره د جمهوریت نظام ملاتړ یې د هر افغان د دندې په توګه یاد کړل.
نوموړې په دې ناسته کې، چې د ښځو د چارو وزارت سرپرستې وزیرې حسینه صافي او د پخلاینې عالي شورا مرستیال، سناتورانو، مرستیالانو او د ښځې د حقونو فعالانو په ګډون د زینب سینما په تالار کې جوړه شوی وو ، سړه جګره یې له تانده جګړې خطرناکه وبلله او د هېواد له ټولو رسنیو څخه یې غوښتنه وکړه، چې د بیان د آزادی په بحث کې د هېواد له سترو منافعو ته ارزښت او لومړیتوب ورکړي.
د اقتصاد وزیرې د اساسي قانون په دویم څپرکۍ کې هر ډول تعدیل او بدلون د سولې د پخلاینې لپاره د سرې کرښې په توګه یاد کړ او ویې ویل، چې دغه څپرکی باید له هرې بدلون او لاسوهنې څخه په امن کې پاتې شي.
په دې ناسته کې ګډون کوونکي د سولې په پروسې کې د سیمو د هېوادونو د همکاریو په اړه د انتقال په پروسه کې د فرصتونو او ننګونو د پیژندلو په اړه د جمهوریت نظام په ساتلو او په خاصه توګه د ښځو د حقونو په اړه د سولې په پروسه کې له بریا څخه وروسته د نړیوالې ټولنې تضمین په اړه په خاص ډول د سولې نه وروسته د ښځو حقونو په اړه د ښځو اقتصادي پیاوړتیا او د مذاکراتو پرمختیا لپاره اوربند اقدام د سولې په دواړو لوریو، د ښځو د ونډې زیاتېدل او په مرکز او ولایتونو کې د ښځو د ایتلاف رامنځه کېدلو په اړه بحثونه وشول او دا ددوی ټولو غوښتنه وو.
