د غیر دولتي موسساتو د قانون د تعدیل په طرحه کې د غیر دولتي موسساتو د لېد لوري د شاملېدو په اړه مشورتي ناسته جوړه شوه
![image](/sites/default/files/2021-05/179843562_1622205477977062_6086016465055618976_n.jpg)
د اقتصاد وزیرې ډاکټر کریمه حامد فاریابي په مشرۍ د غیر دولتي موسساتو د قانون د تعدیل په طرحه کې د غیر دولتي موسساتو د نظرونو او وړاندیزونو د شاملېدلو په پار مشورتي ناسته د اقتصاد وزارت د کنفرانسونو په تالار کې جوړه شوه.
د اقتصاد وزیرې ډاکټر کریمه حامد فاریابي په مشرۍ
په دې ناسته کې، چې د غیر دولتي موسساتو او د عدلیې وزارت لوړ رتبه استازو پکې ګډون درلود، د غیر دولتي موسسو د قانون د تعدیل د طرحې په مادو او فقرو د شته اختلافونو په اړه بحث وکړ.
د اقتصاد وزیرې د غیر دولتي موسسو د فعالیتونو د هر اړخیزه ملاتړ په څرګندولو سره د دغو موسساتو د ځواب ورکوونې او په قانونمندۍ باندې ټینګار وکړ.
همدارنگه په دې ناسته کې پریکړه وشوه، چې د اقتصاد وزارت حقوقي سلاکار د عدلیې وزارت استازي او د غیر دولتي موسسو د استازو په ګډون به یوه تخنیکي غونډه جوړه کړي او د هېواد د نافذه قوانینو له مخې به د اختلافي مواردو په اړه بحث وکړي.
د یادونې وړ ده، چې د غیر دولتي موسسو د قانون د تعدیل طرحه به په ۸ څپرکو او ۶۹ مادو کې چمتو شي.